黃珍珍泰國菜館 (已結業)

之前o係九龍城食過，已經知係好嘢！今次o係佐敦呢間再encore! 食泰國嘢，本人必飲椰青，大大個鮮甜味美。最特別之處係印咗「黃珍珍」個名，好有氣勢！🔥可樂就係人都知咩味啦，最鐘意跟成柸冰，啱洒夏日炎炎嘅天氣，gur得好爽！一定要食呢度嘅咖哩，今次食咖哩蝦。大頭蝦果然好大個頭，雖然冇咩肉，但勝在蝦頭大，有糕食！最鐘意咖哩汁，唔辣，香中帶甜，有蛋花，可以用「咖哩蓉」去形容，點法包食一流！菠蘿炒飯，好足料呀！有肉鬆，腰果，鮮菠蘿，提子乾，叉燒粒，蝦。。食到最後，起埋周邊d菠蘿肉食！肉嫩的羊架！脂肪含量適中，不會羶，烤得好香！豬頸肉肉味濃郁，幼軟細嫩，邊位唔會硬！衛生舒適的泰國餐館，有乾濕紙巾及手套供應，員工態度有禮，抵我哋再嚟幫襯！