泰邊爐 (已結業)

今日同屋企人去打邊爐，經過旺角瓊華中心樓下，見到傳單幾吸引喎，上到去餐廳地方寬敞，佈置有特色，連餐具都係悉心安排。冬陰功湯湯底足料唔辣，另外個椰子雞湯底好濃味，二個湯底都值得推介。喜歡吃牛人士就有 大快朵頤， 肥牛片，牛冧肉、牛肋粒及牛肩肉，四款都唔韌，仲可以任點任叫添，爽口有肉味，值得一讚。海鮮船內有大蝦，帶子，聖子，青口，生蠔及烏頭魚。每款都好鮮味。特別好欣賞芋頭打邊爐，因為真係好好味。沙律吧有好幾款泰式甜品，海南雞都好滑，生菜包都唔錯，如果可以辣小小就好啦。還有最喜歡是泰式特飲，幾清新。