水門雞飯 (豉油街)

營業中

休息中

收工落旺角買野，趕係10點冇堂食之前食個快飯。咁啱路經水門雞飯，就入去醫一醫對泰國嘅相思之苦。- 水門雙拼雞飯切雞夠晒滑，而且個雞油飯亦都好香，同係泰國食嘅真係差唔多。但炸雞就比較乾身，相比起切雞就真係失色左少少，但好彩個醬汁救得到，個汁好味到要叫佢地比多一碟我。-飛天通菜因為唔太鍾意食辣，所以嗌左個走辣嘅飛天通菜，雖然冇左辣，但食落依然惹味，夠晒鑊氣，拎到上枱熱辣辣好好食。-龍眼水天氣太熱嗌左杯龍眼水降降溫，夠清甜解渴，而且唔會太甜，夏天飲就啱晒。-凍美祿每次去泰國都一定一日一杯冰凍嘅美祿，但無奈香港唔係到到有得飲，咁啱見到呢到有，梗係要整返杯試下，可惜味道有啲淡，同泰國街邊個啲爭少少，始終係當地飲嘅美祿真係太正。