泰玖 (已結業)

前排見呢間喺ViuTV節目介紹過，主打多款泰式料理，招牌菜為海鮮同咖喱！店內有兩層，下面係Bar枱，上面係枱凳，裝潢設計行工業風，水泥石牆，適合打卡。海鮮類眾多，天氣涼涼哋要咗個泰式明爐桂花魚，呢款比較少見，用魚形狀嘅鍋熱住，肉質鮮嫩多汁，骨唔算好多，仲有菇、雜菜、肉碎等配料，湯底清甜，微酸，飲落開胃。選擇困難症可以叫串燒拼盤，有雞、牛、豬、雞翼、豬腩肉、豬肉丸子同牛肉丸子各一串，賣相可愛，上枱時熱辣辣，香氣四溢，帶炭燒香氣，燒得啱啱好，肉唔乾柴，適合分享。另外加咗個炸雞卷，炸至酥脆可口，一口一粒，值得叫。