泰園 (已結業)

Brunch 最適合星期六及星期日，因為星期六日不用上班大家都會比較遲起床，早餐就食唔到lu～～泰園推出星期六及日的Brunch！！我就可以同男朋友去享受一下啦～～泰式燒牛肉沙律:酸酸辣辣既秘制醬汁，新鮮爽脆既蔬菜，燒到岩岩熟既牛肉，而且頭盤是任叫任食的，份量唔算多，但作為前菜，剛剛好打開我個胃去食之後既美味。冬蔭功:一上枱，好香既椰奶味撲鼻而來，少少辣，大蝦肉質彈牙，啖啖肉，用料充實。肉碎生菜包:係泰國菜中我既至愛，生菜爽口，肉碎炒得乾身又夠惹味，香葉既香氣更吸引。咖喱大蝦配薄餅:當鬆軟既薄餅遇上濃郁既咖喱，真係超match。就算幾飽，都會不停食，大蝦頂炸到脆卜卜，仲要有蝦膏，不過薄餅太少啦，如果多d就好啦～～刺身拼盤:原來三文魚唔一定要蘸芥末豉油，配上泰式既汁，酸酸辣辣，解除左多少既油膩感，亦為三文魚帶埋清新。生蠔夠新鮮，一滑入口，濃重既海水味。特制豬手:滑溜鬆化既肉，調味好正，好好味！！！芒果黑白糯米飯:煙煙靱靱既糯米配上香濃既椰汁，再遇上酸甜既芒果，正呀！！！