曼活泰茶 (已結業)

旺角又一間新開嘅飲品店加入戰場,主打清新系列嘅飲品同埋泰式奶茶。佢哋嘅泰式奶茶係你面前沖保證新鮮炮製,用左泰國北部高山茶葉,識飲一定飲正常版,雖然比較甜但係充滿泰國風味。不過驚甜嘅朋友仔可以選擇迎合香港人口味嘅少甜版。呃like必備,天然豆碟花帶出淡淡迷幻紫色,加上芒果肉同梳打嘅配搭。啱晒D咁悶熱嘅天氣,滿足晒視覺同味覺。原隻新鮮檸檬,一D都唔酸,帶有清香檸檬味,配上烏龍茶絕對係一個清新之選。