阿來泰式地道風味 (已結業)

星期六放假同朋友去左深水埗行黃金, 行到咁上下, 朋友話去喺附近食埋野, 我記得之前食過一間叫阿來既泰菜唔錯, 就喺天悅廣埸果邊。去到門口有唔少人等緊, 不過好好彩, 咁岩等兩人位既唔多, 我同朋友等左陣就有位坐喇因為今日特別想食肉, 所以我地好貪心咁叫晒豬牛雞既小菜首先有海南雞, 雖然只係叫例牌, 但都幾大碟。落單既時候特登叫左走翼, 咁就可以滿足我同朋友食啖啖肉既願望! 海南雞既肉質好滑, 唔算太多脂肪, 但一d都唔「鞋」,味道岩岩好!之後就有個豬仔脾, 平時食泰菜都鍾意叫豬仔脾, 而依度既豬仔脾尤其好食! 雖然豬仔脾連埋d皮睇落有d肥, 但其實係油而不膩, d皮煙煙un un好好咬口, 而豬仔脾肉都好嫩, 係今餐最好食既一樣!之後我地仲叫左個咖哩牛腩, 黎食泰菜點可以唔叫curry, 而食curry就梗係要叫埋薄餅! 咖哩牛腩連煲上, 熱辣辣!睇見都開胃! 個薄餅有兩塊, 我同朋友一人一塊, 用黎點curry食, 味道好match! 而d牛腩都好夠牛味, 不過略嫌多左少少肥, 鍾意食肥既朋友一軼覺得正, 可惜我自己就喜歡瘦腩多d朋友仲叫多左杯青檸梳打, 佢話幾好飲, 不過我就冇試