影片
更多
2018-01-04
115 瀏覽
今日喺大陸放工落嚟，年近歲晚塞晒車，搞到成九點先出到旺角，最後決定同同事食埋晚餐。揀咗泰邊爐係見佢幾特色咁，平時我都鍾意食泰國嘢，貪佢夠惹味，加埋邊爐係點呢？一於試吓。九點上到去，都有8-9成入座率。呢度係任飲任食2小時，晚巿正價係$198，7:30前離座或10:30後入座就$178。近排餐廳做緊優惠，9:00後入座都已經$178搞掂。可能臨近聖誕關係，點火鍋料支筆係支可愛嘅雪人筆嚟，好cutie。自助區有唔少即食嘅泰菜，有生菜飽、泰式蝦片、泰式魚香茄子等等，亦有泰式沙律、甜點。我就揀咗粉絲肉碎沙律，清新中帶點微酸，開下胃，不錯。連醬料都好有泰式風味，有鹹中帶甜嘅泰式黑豉油、魚露、花生碎、泰式甜酸醬，亦有啲好特色嘅例如紅蝦米。自助飲料櫃選擇不多，係普通罐裝汽水同茶。點都要叫杯泰式飲品先得嘅，$10杯抵飲啦。我就叫咗杯【307】，係三種檸檬嘅七喜，有普通黃檸檬、青檸檬同柑桔，開胃解渴。同事就叫咗杯【椰汁冰】。除咗任食嘅火鍋料，仲有幾味可以另點嘅特色風味食物。我地揀咗【串燒拼盤$68】，雞、牛、豬各兩串，都幾大串吓，有成支匙更咁長，味道稍為鹹咗少少，但都幾有泰式風味。湯底有四款選擇【招牌泰
九點上到去，都有8-9成入座率。
呢度係任飲任食2小時，晚巿正價係$198，7:30前離座或10:30後入座就$178。近排餐廳做緊優惠，9:00後入座都已經$178搞掂。
可能臨近聖誕關係，點火鍋料支筆係支可愛嘅雪人筆嚟，好cutie。
自助區有唔少即食嘅泰菜，有生菜飽、泰式蝦片、泰式魚香茄子等等，亦有泰式沙律、甜點。
我就揀咗粉絲肉碎沙律，清新中帶點微酸，開下胃，不錯。
連醬料都好有泰式風味，有鹹中帶甜嘅泰式黑豉油、魚露、花生碎、泰式甜酸醬，亦有啲好特色嘅例如紅蝦米。
自助飲料櫃選擇不多，係普通罐裝汽水同茶。
點都要叫杯泰式飲品先得嘅，$10杯抵飲啦。我就叫咗杯【307】，係三種檸檬嘅七喜，有普通黃檸檬、青檸檬同柑桔，開胃解渴。同事就叫咗杯【椰汁冰】。
除咗任食嘅火鍋料，仲有幾味可以另點嘅特色風味食物。我地揀咗【串燒拼盤$68】，雞、牛、豬各兩串，都幾大串吓，有成支匙更咁長，味道稍為鹹咗少少，但都幾有泰式風味。
湯底有四款選擇【招牌泰蔭公】、【青咖哩雞湯】、【香噴噴椰雞湯】同【泰式甜番茄湯】。四款都係泰式，我地揀咗易入口嘅【香噴噴椰雞湯】。其實加$20就可以揀鴛鴦湯底，有選擇困難症都唔駛驚。侍應提醒湯入面係鮮雞嚟，水滾咗都要等多陣make sure雞肉係熟晒先好開始。
個湯入面好多椰肉，先飲頭啖湯，果然好香甜。雞肉亦好嫩滑，讚。雖然只有7-8件雞件，不過火鍋料亦有鮮雞件任叫，唔夠就再加～
丸類、魚滑蝦滑同啲比較細件嘅火鍋料都會放喺個長條形嘅器皿上，唔駛吓吓碟上咁嘥位。
【黑松露墨魚滑】口感爽彈，不過黑松露味唔算太突出。
【美國肥牛片】係肥咗啲，不過牛味適中。
【豚肉片】就肥瘦適中，而且肉味豐富，不錯。
【蝦】都算係大隻，而且鮮爽，配合椰汁湯更加倍甜味，正！
其他海鮮料如【鯇魚片】、【墨魚仔】，同個椰汁湯都好夾，感覺好似係泰國食緊海鮮，正！
【炸魚皮】就係出面任攞，可以就咁食，由於好鬆脆，就算淥完食都依然香脆。
【是日精選菜籃】都好大個吓，菜全部都新鮮。
上菜速度都算OK，不過就試過兩三次嚟錯料，例如叫豚肉片俾咗羊肉片，叫鯇魚片俾咗鯇魚骨腩。
食得多，飲吓解茶去油解脂。
最後當然要食泰式甜品，兩個甜品都不錯。
【班蘭千層糕】都夠香甜，軟滑中帶點煙靭。
【三色糯米飯】出面只見兩隻色。要加中間椰漿去食，質感軟腍又粘粘咁，幾得意，甜蜜得嚟又帶點香味。個湯底真係相當不錯，將成個泰式風味帶晒出嚟，下次要同幾位嗜辣朋友試吓冬蔭公湯底先，應該又會有另一番風味。
張貼
