Add Some Thai Restaurant

營業中

休息中

想食泰國嘢，見哩間eat some thai restaurant有二人餐咁方便，就揀咗呢間食。泰式鮮蝦青木瓜沙律鮮蝦幾爽彈，青木瓜口感好脆，加埋砸底有啲沙律菜，食落好fresh。加埋有條試管比你擠啲酸酸甜甜嘅醬汁落去，幾盞鬼。海蝦雜錦海鮮冬蔭公海鮮有唔少，主要係蝦、魷魚同埋蜆，少酸唔辣。個人偏好黎講，如果香料味再重啲會更好。小食拼盤有蝦餅、一串雞一串豬、豬頸肉同埋蝦餅。個人最鐘意係蝦餅，幾紮實彈牙。串燒就香茅味比較重，肉質嚡口，大串少少會過癮啲；燒豬頸肉就煙靭彈牙幾香口。Add some thai 招牌火山骨見人哋啲圖好似好浮誇好吸引咁，一上枱個下果然好震憾，因為真係好大盆，海量芫荽加有四大舊豬肋排，真係名符其實排骨山。味道幾特別，鹹香得黎帶少少辣味，大口大口吃肉份量十足好飽肚。馬拉盞椰菜苗調味啱啱好，唔會過鹹過油。三色芒果糯米飯幾鐘意佢個椰子雪糕，好香唔易溶，仲有啲椰子肉係入面，幾有咬口。芒果夠甜，三色糯米飯口感黏軟，配埋椰奶食唔錯。泥漿浴沙冰話係朱古力、牛奶、咖啡加朱古力雪糕調成，幾大杯，有得飲又有得食，可以當半個甜品。