SIAM AI Fresco Dining (已結業)

泰式打邊爐九龍灣商業區的國際交易中心，係mega box 隔離，行完街行過去食晚飯岩岩好，以為呢度只有酒樓，假日擺酒的新人很多，原來仲有一啲食店，上二樓行出露天的地方便搵到，環境真係好優美，人流不多，坐得好舒服。晚上打邊爐任食都是二百多蚊，湯底好特別，是泰式湯底，有三款選擇，我揀了椰汁雞湯，很香濃的椰汁味道，加入了香茅，沙薑，青檸等香料，酸酸微辣的好開胃。有一排自助bar可以出去拎野食，都是沙律小食，甜品，水果，和熟食，沙律的種類都幾多。一人一客帶子同蝦，大隻多肉又新鮮肉片好大塊腐竹沉入湯，吸曬陣椰香味勁好食，腍身又吸汁。有珍多冰飲配料用點餐紙落單，都是一般打邊爐有的配料，尚算新鮮，種類亦多，最後食到好飽，但點都要叫埋個芒果糯米飯，芒果好甜但嫌不夠多，糯米飯好大碟。