船皇 (厚福街) (已結業)

平時同朋友成日食泰國菜，但好少見到餐廳有正宗既泰式船麵可以食。今次就同朋友去左尖沙嘴一間專食船麵既餐廳食dinner。呢度既麵有湯麵同撈麵，麵既選擇仲有成四款咁多！仲有啲小食可以揀啊！我就揀左最豐富既船皇湯麵，入面勁多料，包括牛腩、牛肉片、牛肉丸、雞絲、雞翼、豬肉丸、豬肉同埋豬潤，一碗湯麵滿足多個願望。麵方面，我就揀左金邊粉。麵既湯底好正，味道香濃，feel到用足料去煮既，而配料都好好味！朋友就叫左船皇撈麵，配料同船皇湯麵一樣咁豐富，有齊豬牛雞，而撈麵亦都別有一番風味。我地亦都點左啲野飲，我揀左泰式凍奶茶，奶茶顏色好深，味道偏甜，同泰國飲到既奶茶味道一模一樣。朋友點左凍青檸梳打，味道好refreshing。仲有串燒啊！