影片
更多
2017-05-18
102 瀏覽
日式放題真係食極都唔厭。同事又提議lunch去拆返餐，介紹黎大本瀛，話坐得舒服，而且相對便宜。就一大班人拉大隊上去。指定動作order左放題就去睇下有咩飲。飲品選擇唔多，但有我最鍾意既orange water!平時7仔買都10蚊支，估唔到呢度可以任飲!拎完野飲好快刺身就到。 賣相都ok. 就甘睇都覺得d刺身好大件。三文魚，八爪魚，北寄貝，鮑片，全部都好大塊，好新鮮!最驚喜係有刺身珍寶大蝦，真係超大隻，係平時食開果d甜蝦double size!咬落去啖啖肉，放題真係無食過甘大隻蝦!刺生全部執齊晒無漏，第一關pass!之後就挑戰炸物。 等待時間有少少耐，但都合理因為全部新鮮做起。上到台仲熱辣辣，炸得唔乾身好多汁。最推介係蝦餅，真心覺得好好食。依家出面食個泰式拼盤都70幾蚊走唔甩，黎到仲唔食返夠本?!焗蠔+煙肉帆立貝一個係葡汁，一個係蒜容白汁。兩個都好入味。自己鐘意煙肉帆立貝多d,因為仲好香芝士同蒜容味，一d都唔滯豬頸肉生菜包估唔到放題都食到泰國野。生菜包有鑊氣，而且夠咸夠辣，絕對唔比出面泰國餐廳遜色。生菜都揀過，洗得好乾淨人參雞湯參味唔太重，但食左甘多生冷野，依個時候有碗熱湯飲下真係唔錯燒
日式放題真係食極都唔厭。同事又提議lunch去拆返餐，介紹黎大本瀛，話坐得舒服，而且相對便宜。就一大班人拉大隊上去。
指定動作order左放題就去睇下有咩飲。飲品選擇唔多，但有我最鍾意既orange water!平時7仔買都10蚊支，估唔到呢度可以任飲!
拎完野飲好快刺身就到。 賣相都ok. 就甘睇都覺得d刺身好大件。三文魚，八爪魚，北寄貝，鮑片，全部都好大塊，好新鮮!最驚喜係有刺身珍寶大蝦，真係超大隻，係平時食開果d甜蝦double size!咬落去啖啖肉，放題真係無食過甘大隻蝦!刺生全部執齊晒無漏，第一關pass!
之後就挑戰炸物。 等待時間有少少耐，但都合理因為全部新鮮做起。上到台仲熱辣辣，炸得唔乾身好多汁。最推介係蝦餅，真心覺得好好食。依家出面食個泰式拼盤都70幾蚊走唔甩，黎到仲唔食返夠本?!
焗蠔+煙肉帆立貝
一個係葡汁，一個係蒜容白汁。兩個都好入味。自己鐘意煙肉帆立貝多d,因為仲好香芝士同蒜容味，一d都唔滯
豬頸肉
生菜包
估唔到放題都食到泰國野。生菜包有鑊氣，而且夠咸夠辣，絕對唔比出面泰國餐廳遜色。生菜都揀過，洗得好乾淨
人參雞湯
參味唔太重，但食左甘多生冷野，依個時候有碗熱湯飲下真係唔錯
燒物
又係珍寶大蝦呀!估唔到燒蝦都用甘大隻蝦，真係好有去泰國旅行食燒大蝦feel!
其餘叫左青魚，雞翼，雞軟骨都燒到唔錯，樣樣野都order左2 round
最後叫左d蔬菜清下腸胃。飛天通菜我覺得已成招牌。真係有鑊氣，有泰式風味菜都order左3 round,的確唔錯
甜品就係牛奶公司雪糕。 平實既價錢，平實既雪糕，男人既浪漫。
依家日式放題開到成行成市，要突圍而出，真係要有少少與眾不同。 如果係喜愛食珍寶大蝦，又想食下放題之餘，唔好甘dry食埋泰國野，呢度都唔錯。
總括黎講員工有禮貌，跟足單，坐得舒服。唯一就係我lunch time得1個鍾3個字，未試晒野就要帶住遺憾離開
張貼
