影片
更多
2024-04-02
69 瀏覽
D.Park 呢間泰式火鍋店最近成日見到有人介紹，今日終於嚟咗試～揀咗Set B, 雞煲+牛板腱火鍋放題～自助區有齊火鍋配料，醬汁同泰式甜品～🍽️雞煲小辣，上菜嘅時候已經熟咗可以食，雞件都幾大，啖啖肉，仲好入味添～2人用份量十足。重頭戲就係泰式湯底火鍋，揀咗冬蔭功同沙爹湯底。冬蔭功湯底相對較濃味，淥完食落都仲有冬蔭公嘅香，相反沙嗲湯底就同平時差唔多。職員會先上哂套餐包括嘅肉類，咁就可以知道自己食過邊款，方便再encore~🍽️澳洲穀飼卡樂beef／精選牛板腱－2款牛都好重牛味，而且每塊大大塊，好滿足！🍽️西班牙豚肉片－食落一啲都唔嚡口乾身🍽️牛胸爽－唔係好多地方有得食，呢度仲要係任食！好多人誤會佢係脂肪，其實佢只係軟骨，輕輕一灼就食得，口感爽彈，值得推介！🍽️酒嫩雞件－雖然唔係好食到酒味，但雞肉真係好嫩滑，平時binlo少食雞嘅我都食唔停！飲品推介梳打系列同盲盒，盲盒係藍色椰奶+椰果，好飲得嚟又好啱打卡～
D.Park 呢間泰式火鍋店最近成日見到有人介紹，今日終於嚟咗試～
揀咗Set B, 雞煲+牛板腱火鍋放題～
自助區有齊火鍋配料，醬汁同泰式甜品～
🍽️雞煲小辣，上菜嘅時候已經熟咗可以食，雞件都幾大，啖啖肉，仲好入味添～2人用份量十足。
重頭戲就係泰式湯底火鍋，揀咗冬蔭功同沙爹湯底。冬蔭功湯底相對較濃味，淥完食落都仲有冬蔭公嘅香，相反沙嗲湯底就同平時差唔多。
職員會先上哂套餐包括嘅肉類，咁就可以知道自己食過邊款，方便再encore~
🍽️澳洲穀飼卡樂beef／精選牛板腱－2款牛都好重牛味，而且每塊大大塊，好滿足！
🍽️西班牙豚肉片－食落一啲都唔嚡口乾身
🍽️牛胸爽－唔係好多地方有得食，呢度仲要係任食！好多人誤會佢係脂肪，其實佢只係軟骨，輕輕一灼就食得，口感爽彈，值得推介！
🍽️酒嫩雞件－雖然唔係好食到酒味，但雞肉真係好嫩滑，平時binlo少食雞嘅我都食唔停！
飲品推介梳打系列同盲盒，盲盒係藍色椰奶+椰果，好飲得嚟又好啱打卡～
張貼
