大少爺茶餐廳 (已結業)

知道KC兄來過這裡食海南雞，而且讚不絕口，已經心動想來一試；於是早幾日便專程來這裡一試。店鋪唔算好大，所以多一點人客便要等位了，好在我們比較早到，所以還算有位；因看見鄰的雞油飯唔算好黃，相信唔多合我們口味，所以決定要半隻雞加一碗米粉。例湯- 原來有湯送，而且還算幾大碗，雖然沒有什麼料，但味道清甜好味，飲完又唔會好口喝，唔錯！泰式海南雞- 雞肉嫩滑有口感，肥膏已去，薄薄的雞皮和雞肉一起食，又真係幾出色，一向唔食雞皮的我(怕肥)，還是忍不著食多幾舊。豬肉丸和魚蛋泰式米粉- 豬肉丸感覺幾似貢丸，幾爽口；魚蛋大大粒幾彈牙，都算幾好；米粉就一般啦。總括來說，可以一試，但唔算太出色。看到每一都差不多只食海南雞飯，就知道它有幾出色了，試完後，也覺得值得來一試。