鼎豐雞煲泰國菜 (已結業)

今次食鼎豐雞煲泰國菜既泰式外賣，真係有啲驚喜。呢個外賣係4人份既套餐，有野飲、有甜品、仲有成6款食物。外賣自取就$658。前菜泰式酸辣鳳爪，酸酸辣辣，開哂我個胃口。泰式拼盤，有蝦餅、魚餅同春卷，🦐蝦餅好彈牙呀。🥦炒雜菜有西蘭花、花菜、芥蘭同紅蘿白，炒得好惹味。🐔海南雞半隻，雞肉嫩滑，點埋個泰式汁，正。皇牌咖喱軟殼蟹，好有誠意，大盤到呢。用蓉蓉包筆起啲咖喱食，好好味呀。🦀軟殼蟹份量都多架。菠蘿雞肉炒飯，絕不欺場，原個菠蘿出，仲跟埋肉鬆同腰果，有誠意呀。平時係餐廳食都唔敢刮個菠蘿啲肉食，而家係屋企可以好的盡情啦。😂甜品係椰汁糕，食埋滿足唒。