水晶晶泰國餐廳 (已結業)

響公司附近比較喜歡的泰國餐廳，三人行坐到卡位，我點咗午餐--肥牛喇沙，加熱柑枯蜜，等十分鐘食物到，今日個喇沙湯底依然香濃，但唔夠熱（個人認為，湯粉個湯一定要夠熱，今次只算溫）而且味道偏淡，不過公道D講，之前食幾次都無問題，可能今次有少少失準，喇沙裡面用米線，配料好足，肥牛之外，有雞蛋，芽菜豆卜，加魚旦三粒，魚旦仲幾彈牙，熱柑桔蜜唔會有乜驚喜，正常，服務尚算勤快，地方好坐，一個午餐無加一$48，都交足功課！