泰地道 (文苑樓) (已結業)

今日同朋友去圓方，路過呢間泰國餐廳，好似好好食就決定一試。我叫咗泰式冬陰功海鮮湯金邊粉 (lunch hour HKD 65) 冬陰功湯好夠味，唔係太濃所以無搶走海鮮嘅鮮味。不過湯頭偏酸，甜、酸、辣嘅比例做到唔係咁好。海鮮種類豐富，蝦同魷魚都係大大隻，越食越開胃。我好鍾意食茴香，覺得茴香提升咗成碗麵嘅口感同味道。加上價錢貼地而份量又多，好食之如又划算。隱世小店，環境舒服，服務好，老闆娘親力親為。不過店舖唔大，雖然座得舒服但係唔適合成大班人嘅聚會。