泰 (已結業)

同朋友打任天堂 switch 打到天昏地暗，孖寶賽車實在太好玩！完全忘記咗食飯時間，上次食完老字號上海店，今次要再食隔離嗰間泰國菜。真係打機打飽咗所以叫咗少少嘢食！招牌河南雞飯 $68海南雞肉質偏瘦順滑，但雞味豐富，值得推介！可能要就返附近冇街坊嘅健康，飯味偏淡，差咗少少！泰式炸蝦餅 $988嚿金黃色嘅炸蝦餅相當吸睛，外脆內嫩，啖啖肉爽脆有口感，蝦味豐富，送啤酒一流！馬拉盞炒通菜 $68上咗年紀多多少少都要食番啲菜，呢個炒通菜 味道濃郁，又唔會太林，煮得啱啱好！兩個人70蚊80蚊左右，性價比極高！ 因為要繼賽車，所以冇飲啤酒！ 作為一個專業嘅車手，我哋係唔會酒後駕駛！但下次玩薩爾達 就好難講...