影片
更多
2015-01-06
3217 瀏覽
泰國菜我一向都鍾意食，食開九龍城嘅泰式店，今次試下灣仔呢間泰國菜，先說環境，店舖面積夠大擺到多張枱而且很寬敞，裝修擺設富有泰國格調，一家大細會坐得舒適。星期六晚飯時間不見滿坐，不用等位便可入坐，店員都是泰國人，當然會說廣東話，店員態度有禮。餐牌上食物種類多，小食，湯，肉類，海鮮，串燒，咖哩，粉面飯，甜點等一應俱全。我們叫了小食拼盤，冬蔭功，泰式生蝦，串燒，木桶飯，青芒沙律，芒果糯米飯。先來冬陰公, 出面食好多不太辣就是太酸, 兩個味道一D都唔協調, 今日飲到濃郁口味且辣味酸味都比例好好, 異口同聲話美妙, 湯已經到位, 使我更期待接下來的食品。接下來是小食併盤, 個魚餅大家都覺得比較重味食落好鹹, 炸蝦餅是必食的小食, 彈牙香口。炸春卷就油了點, 可以炸耐點就脆身。生菜包豬肉碎份量多, 入口豬有豬味, 充滿肉汁用生菜光包好, 隨即用手一大口塞入口腔中, 一路食嘴嚼時仍有甜肉汁滲出。生菜得4,5塊唔夠, 包完仲有一半豬肉碎剩也不知如何是好。生蝦都幾抵食, 圖中大大碟都不用一百元, 擠上點檸檬汁, 直接把蝦刺身就食掉啦! 生蝦跳, 唔洗激的, 蝦肉爽身富蝦味又唔會有腥味。迎合不吃刺身的人,
泰國菜我一向都鍾意食，食開九龍城嘅泰式店，今次試下灣仔呢間泰國菜，先說環境，店舖面積夠大擺到多張枱而且很寬敞，裝修擺設富有泰國格調，一家大細會坐得舒適。星期六晚飯時間不見滿坐，不用等位便可入坐，店員都是泰國人，當然會說廣東話，店員態度有禮。餐牌上食物種類多，小食，湯，肉類，海鮮，串燒，咖哩，粉面飯，甜點等一應俱全。我們叫了小食拼盤，冬蔭功，泰式生蝦，串燒，木桶飯，青芒沙律，芒果糯米飯。
先來冬陰公, 出面食好多不太辣就是太酸, 兩個味道一D都唔協調, 今日飲到濃郁口味且辣味酸味都比例好好, 異口同聲話美妙, 湯已經到位, 使我更期待接下來的食品。
接下來是小食併盤, 個魚餅大家都覺得比較重味食落好鹹, 炸蝦餅是必食的小食, 彈牙香口。炸春卷就油了點, 可以炸耐點就脆身。生菜包豬肉碎份量多, 入口豬有豬味, 充滿肉汁用生菜光包好, 隨即用手一大口塞入口腔中, 一路食嘴嚼時仍有甜肉汁滲出。生菜得4,5塊唔夠, 包完仲有一半豬肉碎剩也不知如何是好。
生蝦都幾抵食, 圖中大大碟都不用一百元, 擠上點檸檬汁, 直接把蝦刺身就食掉啦! 生蝦跳, 唔洗激的, 蝦肉爽身富蝦味又唔會有腥味。
迎合不吃刺身的人, 那就加份芒果軟殼蟹米卷, 味道清新, 個軟殼蟹也不會覺得油膩, 配泰式的酸辣汁, 放入口就感覺超級滿足。因為中間包的是米粉同D 蔬菜絲及軟殼蟹, 小小一件都比到飽肚感啦!
青木瓜沙律, 無想象中辣, 見到好多紅辣椒碎, 其實只是酸酸辣辣, 而個青木瓜絲多纖維爽身。
個木桶飯好似是招牌菜, 有D似豉油炒飯, 炒時油落得幾重手幾油下, 看上去黑漆漆, 其實有蝦同豬肉鬆, 有材料都幾豐富, 又唔會覺得太寡．
串燒6串, 我地叫了豬同雞肉串, 串纖中排了厚厚的肉串, 我都用手沾上吵嗲醬便送入,值得一提是個醬, 有花生碎粒好香口惹味, 有花生香氣, 辣中又帶甜, 一股很複雜味道。
好重味的燒帶子, 伴上蒜碎芝一齊燒, 蒜香慢延．
個芒果糯米飯略為細份, 個芒果因為冬天不是盛產季節, 帶點酸咪咪。不過口味見人見智, 我身邊有人喜歡味帶酸的芒果! 甜品用了糯米加紫米, 紫米質感黏得多又有D硬, 而糯米就軟熟, 這甜品真是十個有七個叫。
來一份甜品併盤, 都是大家見慣見熟的糯米糕點, 有板有眼大份又好味, 椰香又濃! 本身口入面仍有好重的香料味, 食完那沉重的感覺一掃而空。食物質數高，比起所謂的九龍城正宗泰國菜還要好，賣相吸引，價錢一點都不貴，味道好，愛好泰國菜的人又多一個選擇。
張貼
