影片
更多
2018-05-13
375 瀏覽
對於我來講，有時諗唔到食咩，車仔麵都係其中一個選擇，配搭夠多，又唔會太heavy。元朗呢間新開嘅車仔麵叫篤篤車，早前都唔少介紹，所以出左一陣熱潮。小店位於元朗名物壽司之神旁邊，位置唔大，約二十個位。店名叫篤篤車，都幾有泰式風味啦。今日星期日點零鐘去到，都需要排隊，雖然唔係話等左好耐，但太陽猛烈，都有少少辛苦。最終等左廿分鐘左右，因為食個麵都唔會太耐，所以我都願意等下。到底呢間車仔麵有咩咁特別，原來係有個湯底比較少見 - 泰國鱷魚湯，標榜用正貨鱷魚骨，每日新鮮熬煮。至於點樣熬，我地就不得以知，但幾受歡迎嘅除鱷魚湯，仲有冬蔭公湯、牛腩湯，個別可選不同嘅辣度，分大、中、小、不辣。麵分米線、米粉、河粉、粗/幼麵、油麵、公仔麵等。3餸麵$35，套餐包3餸麵、小食、飲品、菜，就$62。大部分二人同行都係好似我地咁，一個點3餸麵，一個點套餐芝士丸、雞翼、蘿蔔 + 鱷魚湯底 + 幼麵 ：（中辣）湯底奶白色，裡面有杞子、紅棗等，味道濃烈，可能有D人會覺得鹹少少。點左中辣，加左pat辣醬，好鬼惹味雞翼係滷水，都炆得幾腍，其他芝士丸、蘿蔔都係正常質素。麵底揀左幼麵，唔會太腍啊每款嘅餸就唔多，都係丸兩粒，雞翼
今日星期日點零鐘去到，都需要排隊，雖然唔係話等左好耐，但太陽猛烈，都有少少辛苦。最終等左廿分鐘左右，因為食個麵都唔會太耐，所以我都願意等下。到底呢間車仔麵有咩咁特別，原來係有個湯底比較少見 - 泰國鱷魚湯，標榜用正貨鱷魚骨，每日新鮮熬煮。至於點樣熬，我地就不得以知，但幾受歡迎嘅除鱷魚湯，仲有冬蔭公湯、牛腩湯，個別可選不同嘅辣度，分大、中、小、不辣。麵分米線、米粉、河粉、粗/幼麵、油麵、公仔麵等。3餸麵$35，套餐包3餸麵、小食、飲品、菜，就$62。大部分二人同行都係好似我地咁，一個點3餸麵，一個點套餐
芝士丸、雞翼、蘿蔔 + 鱷魚湯底 + 幼麵 ：（中辣）
湯底奶白色，裡面有杞子、紅棗等，味道濃烈，可能有D人會覺得鹹少少。點左中辣，加左pat辣醬，好鬼惹味
雞翼係滷水，都炆得幾腍，其他芝士丸、蘿蔔都係正常質素。麵底揀左幼麵，唔會太腍啊
每款嘅餸就唔多，都係丸兩粒，雞翼兩隻，蘿蔔就有5件~呢個價錢來說，都唔貴喇，幾抵食嘅。
辣豬皮、響鈴、金錢肚 + 牛腩湯底 +河粉 ：（少辣）
味道都濃，有少少紅燒感覺，幾惹味，亦都唔會鹹河粉幼身，好滑！
配料方面，原本想點豬腸，但賣哂。於是點左辣豬皮、響鈴、金錢肚。
老實講，辣豬皮就唔辣嘅，冇乜辣汁金錢肚都有4、5件，唔錯。響鈴好薄，普普通通。
菜幾特別，有菜心、生菜、芥蘭，可選腐乳/馬拉盞/蠔油。
馬拉盞菜心：
好似淥完D菜，再用馬拉盞炒炒佢或者撈撈佢嘅感覺，味道濃郁，略嫌菜心有D腍。
套餐小食有雞翼/泰式鳳爪/春卷等。
泰酥炸雞翼：
一份四件，睇得出係即整配泰式醬幾醒胃，而且雞翼都好香脆。
值得一提，薄荷青檸梳打，味道唔錯青檸梳打就好多地方都有，但呢度加左好多薄荷葉入去，唔係切碎，唔係渣汁。
有種好天然嘅青草味，我幾鐘意。好清新，舒服，跟套餐只需加6蚊，抵加
張貼
