冬蔭公公 (已結業)

啱啱去冬蔭公公食咗個午餐。好彩早到，黎左之後唔過15分鐘，出邊就排晒長龍。真係遲咗少少都要等。叫咗個冬蔭米線黎食。個冬蔭米線都幾惹味喎！一擺低已經聞到好大陣冬蔭味，飲一飲個湯底都好濃冬蔭味。我揀左個中辣，個辣度岩岩好，好正呀！好鐘意呢個米線可以自己揀配料，雞絲同牛肉擺埋一齊真係超級好食，重點係個雞絲唔乾，好有水份，咬落去都好有彈性。估唔到餐廳既野都唔錯。叫左個串燒，雞肉串燒好重香茅味，呢隻串燒真係冇得頂！串燒好香，燒得岩岩好，串燒既沙爹汁係類似馬拉既沙爹汁咁，個味道好接近，好好味呀！以為佢泰國野出名，馬拉野都不遜色！仲叫左個木瓜乳酸，原來真係用新鮮木瓜整，好濃木瓜味，而且乳酸既味道岩岩好，唔會搶左木瓜味。今餐真係超幸福！下次再黎！