影片
更多
2022-11-27
879 瀏覽
今天晚上，一家人正在考慮晚餐食咩嘅時候，我奶奶突然心血來朝話想食泰國菜，點知老爺即刻講左一間位於西貢嘅泰國餐廳，佢話之前有去幫襯過，話啲野食都幾好味，所以亦都提議我哋今晚係呢間餐廳食晚飯。冇錯！呢間餐廳就係西沙茶座。西沙茶座係位於西貢一條大馬路嘅旁邊，雖然交通有啲唔方便，但我哋一家六口自己揸車過去，有車位可停車，已經解決左搵唔到位泊車嘅問題。我哋大約18:00來到餐廳，餐廳仲未有客人入坐，我哋係第一枱客人。餐廳雖然位置有啲偏僻，不過勝在裝修十分有個性和優雅，大大隻字寫住「西沙茶座」，一定唔會去錯。此外，餐廳門口亦擺放著一尊四面佛，睇到這尊佛像，仿佛自己已經置身在泰國一樣。職員問我哋想坐喺室內定室外？我哋揀左室內嘅枱坐低，因為有小朋友，坐係室內比較好啲。安頓好之後，粗略睇左一下餐牌，我哋都商量過食咩之後，就叫餐廳職員過嚟落order，職員嘅服務態度超好，order野食嘅時候亦都有講有笑，而且十分熱情，值得一讚！最後，我地order左九樣野食加一份甜品：泰式豬頸肉、明爐燒烏頭鍋、碳燒皇帝魷筒、香葉炒豬肉碎（生菜包）、馬拉盞炒通菜、泰式蟹肉炒飯、咖哩牛腩、印式牛油烤餅+蒜蓉烤餅同埋碧綠千層糕
西沙茶座係位於西貢一條大馬路嘅旁邊，雖然交通有啲唔方便，但我哋一家六口自己揸車過去，有車位可停車，已經解決左搵唔到位泊車嘅問題。我哋大約18:00來到餐廳，餐廳仲未有客人入坐，我哋係第一枱客人。餐廳雖然位置有啲偏僻，不過勝在裝修十分有個性和優雅，大大隻字寫住「西沙茶座」，一定唔會去錯。此外，餐廳門口亦擺放著一尊四面佛，睇到這尊佛像，仿佛自己已經置身在泰國一樣。職員問我哋想坐喺室內定室外？我哋揀左室內嘅枱坐低，因為有小朋友，坐係室內比較好啲。
安頓好之後，粗略睇左一下餐牌，我哋都商量過食咩之後，就叫餐廳職員過嚟落order，職員嘅服務態度超好，order野食嘅時候亦都有講有笑，而且十分熱情，值得一讚！
最後，我地order左九樣野食加一份甜品：泰式豬頸肉、明爐燒烏頭鍋、碳燒皇帝魷筒、香葉炒豬肉碎（生菜包）、馬拉盞炒通菜、泰式蟹肉炒飯、咖哩牛腩、印式牛油烤餅+蒜蓉烤餅同埋碧綠千層糕。
我哋一致認為烏頭鍋、咖哩牛腩最值得推介比未去西沙茶座食野嘅朋友一試。因為烏頭鍋用左泰式煮法去烹調，既冇魚嘅腥，亦帶出鮮味。此外，咖哩牛腩用黎送飯就一流，唔算太辣，唔食辣嘅朋友都可以一試，牛腩十分入味和好淋，超好味
最後，九個野食、一個甜品同一碗飯埋單都係$1300左右，今次好抵食同食得好愉快。
青擰蒜粒明爐烏頭鍋
$278
31 瀏覽
0 讚好
0 留言
張貼
