樹屋泰菜 (已搬遷) 新店位置

今晚同老公收早，七點到達仲有幾張枱可以揀，發現原來無冷氣，算吧反正好似唔係好熱，加上有幾部風機吹住，應該都頂得下。一坐低已經有侍應問飲唔飲啤酒，當然要啦～立刻降降溫。坐一坐，望一望。廚房一目了然，一位姐姐負責串燒烤鷄烤魚烤蒜蓉包。一位大廚，幾位幫手。最後點了 紅咖哩軟殼蟹加$12配蒜蓉包、串燒六串：豬牛鷄各兩串、馬拉盞通菜。上菜時間比較耐。等了五分鐘左右 先上通菜。其後，大概十五分鐘才到齊其餘兩碟餸。串燒 除左牛肉好硬，其他都無乜特別問題，軟殼蟹咖哩比較咸，配鬆軟蒜蓉包剛好。但淨食蟹就味道過濃。八晚左右已經全院滿座，除了本地人，還有自由行，兩三枱外國人幫襯，睇落唔似遊客，因為佢地好熟架步。總括而言，天氣無咁熱都可接受，但以七八月既夏天黎坐，會比較辛苦，就要自備風扇仔先得。