影片
更多
2016-04-30
1129 瀏覽
田心村路邊，多人去，睇落似街坊食開。價錢中挺。飛天通菜，原本真係飛曬鑊，相傳係泰國大排檔用來吸引食客嘅手段。咁係田心村緊係無人同你飛鑊，但道菜本身都有基本要求，就係要用指天椒爆炒先夠香、爽。點知呢度用紅燈籠椒，仲要得一細條，以為係唔小心跌咗，濫竽充數，是是但但。豆醬唔夠惹味，所以成道菜無驚喜，但好彩通菜當做，所以菜身夠嫩之餘有通菜要嘅爽。金邊粉，泰國菜基本盤。呢度鑊仔上，咸、亂、無層次。係咪好難食？又唔可以咁講，味道有，料亦足，但食落口就係，喇埋一舊，得個咸字。香呢？微辣呢？落咁多花生都唔覺。啲粉唔彈唔爽，一pat pat，聽落好似好高要求，但無嘅，女朋友話食落去以為擔擔麵，我覺得fair enough，擔擔麵都未和稀泥到咁，無所謂嘅話其實ok。壓軸出場，當晚精選。學名：也甚文咖喱羊架；價錢：＄88第一眼見到，見到佢又鑊仔上，以為新鮮熱辣，點知鑊下面無蠟燭。第二眼見到鑊上面啲黃色塊狀物，諗住係咖喱薯仔，點知係菠蘿，又辣又酸。羊架都四件，不過嚴格來講唔係羊架嚟，叫做係，羊肉夾啲骨，十二成熟，唔記得熄火級嘅軔。臨走飲杯龍眼水，甜到漏，糖漿唔洗錢。龍眼肉好咬口，但其實求其搵粒桂圓都彈牙，所以
$48
60 瀏覽
0 讚好
0 留言
金邊粉，泰國菜基本盤。呢度鑊仔上，咸、亂、無層次。係咪好難食？又唔可以咁講，味道有，料亦足，但食落口就係，喇埋一舊，得個咸字。香呢？微辣呢？落咁多花生都唔覺。啲粉唔彈唔爽，一pat pat，聽落好似好高要求，但無嘅，女朋友話食落去以為擔擔麵，我覺得fair enough，擔擔麵都未和稀泥到咁，無所謂嘅話其實ok。
壓軸出場，當晚精選。學名：也甚文咖喱羊架；價錢：＄88
第一眼見到，見到佢又鑊仔上，以為新鮮熱辣，點知鑊下面無蠟燭。
第二眼見到鑊上面啲黃色塊狀物，諗住係咖喱薯仔，點知係菠蘿，又辣又酸。
羊架都四件，不過嚴格來講唔係羊架嚟，叫做係，羊肉夾啲骨，十二成熟，唔記得熄火級嘅軔。
龍眼水
$18
30 瀏覽
0 讚好
0 留言
總結：
呢幅相道盡間嘢嘅本質：有幾泰國呀？有無食過薩莉亞意式餐廳？我估你有，但你會唔會同人講自己去食意大利菜但其實係去薩莉亞？我估你唔會。
金曼谷呢間嘢，咪泰國薩莉亞咯，你叫金邊粉，佢真係比條粉你嘅，童叟無欺，但你就係唔會覺得自己食緊正宗泰國菜。整體都係得過且過，但求交貨。唔會追求細緻嘅味覺層次，唔會跟足傳統要求，唔好以為係創新，實情係求其。
埋單計數，每人百一，去深水埗、元朗，周圍都有抵食兼正宗過呢度嘅選擇，其他地方環境或者屈側啲，不過味道好幾皮。唔會再來，但鼓勵所有：貪就腳、無所謂、求飽肚嘅朋友仔來，ok的。
張貼
