餐廳地方闊落，又有大量沙發🛋️位，坐得舒服😌。
當日海鮮區有彈牙海蝦、清甜螺、食到有「沙」的蜆同無咩味的青口，刺身則有有厚切三文魚🍣，一些壽司捲物，整體質素一般。
熟食有硬到似擦膠的牛排🥩、咖哩炒蟹，但明顯蟹肉質過腍不新鮮，用上走油方法煮但生粉獻好厚，一般。
有正正常常的庶蝦、咖哩雜菜、海南雞飯、菠蘿炒飯、仲有酸辣大頭蝦湯，有幾粒秀珍菇同蕃茄吊味都不錯。
最出色是豬手船麵，豬手軟糯，調味香甜有層次，湯頭帶甜有清香，有肉味，食左兩碗，仲有豆卜吸湯的精華。
仲有本身已調配好的泰式沙律🥗，有鳳爪沙律，木瓜沙律🥗等，唯鳳爪無咩味吾夠辣，其實本身有個泰式沙律自助區，唯只係提供炸蒜頭、青芒果絲等，不是提供香料再打磨，整體比較遜色。
室外位置仲設有即場燒烤，有燒雞翼、羊架，帶子、菠蘿、香菇粟米等，唯燒的速度追不上人客拎的進度，不過食物凍左任人拎都可接受。
甜品方面有好多選擇！斑蘭蛋糕、雜果蛋糕🍰、朱古力噴泉⛲️，Movenpick 雪糕等，推介必食泰奶茶奶凍、夠曬甜同奶茶味香濃！
總結：
加埋一300 幾蚊無投訴
可以一試但不會太驚艷
