泰嘟嘟

營業中

休息中

大角咀好多好野食，呢間泰嘟嘟門面既燈色好似去左泰國咁呀。仲有tuktuk車做卡位，好正呀！代表泰國既物品掛哂係牆度。呢度環境好似去左泰國咁呀，令人食指大動！兩個人又忍唔住食好多野喇。飲品點左椰青同芒果芝士沙冰，芒芝冰太有驚喜，芝士同椰奶味好突出，芒果偏甜，夾埋一齊飲好濃郁豐富。椰青鮮甜，啖啖肉呀，食得出係新鮮椰青呢！泰式生海蝦（6隻）呢度擺盆好用心，每隻生蝦跟一個小杯，連埋泰式醬汁，同朋友share食既衛生又唔怕沾唔哂D汁呀。生蝦新鮮爽口，醬汁充滿泰式風情，調味十足。豬頸肉啫椰菜苗煲（馬拉盞）豬頸肉同菜既比例有1:1, 亦是十分抵，不過呢煲最出眾係椰菜苗，連同有火氣既馬拉盞口味，食過翻尋味。泰式明爐花甲鍋以前食開明爐魚，今次試明爐花甲，花甲隻隻都開口，絕無欺場，同埋好入味呀，肉質鮮嫩，配搭泰式明爐湯底好正。其實已經食到好飽，但因為杯芒果芝士沙冰實在太好飲，所以忍唔住點多杯火龍果芝士沙冰呀！火龍果味較為中性，無芒果🥭個種甜，但同芝士椰奶夾在一起又係出奇地獨特呢！