泰鑫

營業中

休息中

泰式龍蝦金邊粉 $268原隻波士頓龍蝦，好貼心咁起好肉，方便食。龍蝦肉好彈牙，龍蝦頭超多膏，除咗龍蝦仲有3隻大蝦，大蝦都好新鮮彈牙，金邊粉食落煙煙韌韌，酸酸甜甜，仲有豆干、雞蛋、花生碎食落好有層次又醒胃。後來一問先知原來大㕑參加過米芝連，難怪會諗到係平凡既 pan thai 加上不平凡既龍蝦，有諗頭得黎又好食👍🏻黃咖喱軟殼蟹 跟薄餅 $268呢個必點，好好食😋軟殼蟹炸到脆口，黃咖喱帶有椰香味，仲有洋蔥同紅椒既甜味，加埋印度薄餅真係好出色，好食到我停唔到口。椰汁雞湯(細) $48椰奶味香濃順滑，中間有幾下蕃茄酸香刺激一下，同埋好足料架有幾件雞肉同草菇，雞肉仲幾嫩滑，記得食晒啊。冬陰功(細) $48冬陰功湯都好足料，有大大隻新鮮蝦去煮，酸酸地好開胃。芒果糯米飯$88食泰菜點可以無芒果糯米飯，雖然宜家唔係當造，但芒果質量都係甜甜哋幾好食，糯米飯軟糯剛好 ，配埋椰汁堪稱完美。