泰嘟嘟

營業中

休息中

識搵食既人一定唔會唔識去大角咀, 近期大角咀真係變咗九龍區的小soho, 好多西餐廳都好靚, 但係今日俾一間叫泰嘟嘟吸引咗入去,係門口睇好色彩繽紛, 好有泰國色彩, 睇下餐牌又唔太貴, 一個二人餐, 有餸都係238蚊, 點可以唔試下佢丫, 我地叫咗一個二人餐, 叫咗生蝦, 生蝦佢係用一個shot 咁上, 一杯一隻, 綠色有薄苛葉青辣椒汁, 辣度非常, 本人覺得好刺激, 紅色就無咁辣, 甜甜酸酸好開胃, 再來係半隻海南雞, 皮好爽, 肉質鮮嫩, 中間有啫喱骨膠原, 好有雞味, 早知叫一隻啦, 仲有叫咗香葉肉碎生菜包, 炒得好香好有鑊氣, 生菜又好清爽, 很出色的一道菜, 最後唔可以唔點佢既椰汁糕, 好食到飛起, 甜得黎帶少少咸咸地, 一份六個, 講真, 我一個人都可以KO一份, 正丫~