今時今日

1. 馬來喇沙肉眼扒焗飯+凍檸水($34)

唔好俾個名呃到，其實只係葡汁焗豬扒飯。D汁好稀，但係D飯又乾又硬，個底仲有大量大量油，又未焗得夠。

最大問題係，佢用一個又薄又細0既錫紙盒上枱 。開得一間食肆，連洗多一隻碟都懶?! 真係好冇誠意囉!!我以為自己食緊波仔飯添.....不過當我食左第一啖，我好肯定佢唔係波仔飯，因為佢連波仔飯水準都不如。

跟餐杯凍檸水仲要有霉味，完全冇檸檬味。


2. 香濃芝士海鮮焗飯+ 凍咖啡($36)

以一間如斯茶餐廳格局0既食肆而言，將一個套餐由意粉轉為飯，竟然要加$3!! 佢都真係算出位!! 佢0既理由係: 因為係炒飯! 老細，我唔想食炒飯呀，你D炒飯極多油呀....只想要白飯咋,都唔得?! 何況你其他焗飯套餐，都係用炒飯0架啦，咁都要加錢?!

加左錢，食物質素都冇改善，惟一唔同係今次竟然有碟上，唔係錫紙盒。但係，你個焗飯，落咁少芝士，你就唔好焗咁耐啦! 焗到踎 晒，食落仲苦苦地!!!

四個字總結: 不知所謂。