徐記廚房點心

今日中午落大雨，本來冇街去，諗住屋企煮面食算數。點知3，4點又好好天，陽光普照。咁好天，無理由唔出街架，即刻出街行下玩下先。咁就出咗去行下花街雀街。行行下肚仔餓，夜晚唔知食乜好，諗起附近近近地有徐記，有好味既點心食，所以走咗去徐記食下點心。點心不嬲都好好味，蝦餃燒賣必叫必食，所以今次唔介紹點心。食食下，老闆娘走黎介紹食泡椒魚皮。有蘿蔔絲墊底，蘿蔔甜甜地，食落去好似海蜇咁，幾特別，好好味，誠意極力推介，值得一試。