村爺爺龍蝦湯.泡飯.燉湯專家

營業中

休息中

今日忙到了將近三點都未食晏，十一月中啦下午咁晏都咁熱。 行到身水身汗唔知食乜之際，在油麻地碧街與砵蘭街的角位，見到間貼滿明星相的村爺龍蝦湯泡飯燉湯專家，心諗質量該有番咁上下，決定去試試。下午茶時段特價湯麵、甘味咖喱、西式茶餐、泡飯等………嘩足足3張餐牌，選擇可算不少且包熱飲大多都係$30-40蚊左右。見此店以龍蝦湯底泡飯做主打，便點了碗魚腩、鮮鷄龍蝦湯泡飯，因太肚餓及想食菜的原故加了每款$6元的油麥菜及蘿蔔，成餐連熱奶茶盛為$76元正。奶茶用有捷榮字樣的茶杯上，心就知用料不錯、剛巧有食材送鋪，又是韓國白糖、又是有名的麵食，連泡打粉都用美國斧頭牌，更深信用料上乘。對點左的泡飯就更期待了。主菜上場，大大一碗。無西式龍蝦湯的濃稠及蕃膏味，飲落似是以鮮蝦長時間餚成，好鮮甜。魚腩都好新鮮無腥味，以為得一舊之際，舀舀下，原來仲有2大舊，哈哈哈真開心，因為好鮮味。雞肉又滑又汁多。最後要讚係舊蘿蔔，索哂D龍蝦湯的鮮味好禾味，結果飲湯飲到見碗底，大滿足。