影片
更多
2009-06-28
36 瀏覽
幸福王子早前越級挑戰追女仔，選址老富昌，佢食完話都ok，咁我琴日同阿仔游完水，阿仔話要据扖，好自然就諗起呢間嘢……嘩。。。原來有人等位wor，睇到個餐牌，佢主攻都係拍拖餐，全部都係ｘｘ二人餐，包括浪漫二人餐、經典二人餐……什麼都係二人，佢個擺枱都大部份係細枱，唔怪得之幸福王子都要係呢度約人好，等左１０分鐘，終於有位了，睇黎睇去都係選左個經典二人餐，有磨菇湯，蟹籽沙律、焗田螺，燒豬骨同大蝦天使麵；當然仲有套餐的老朋友，麵包同飲品﹗通常呢ｄ餐呢頭叫呢頭就有得食啦。。。。點知我地等左成１０分鐘都冇嘢食，咁又追吓單，佢回覆係：已經落左單，而家整緊，稍等……點知個ｗａｉｔｅｒ呢頭走，ｄ湯呢頭就黎，仲要唔止個湯，個沙律啦，麵包啦，田螺都一齊到……咁你話喇，我會唔會信你係「整緊」呢？擺明係漏單啦。。。。而且，咁嘅上菜格局，唔係茶記係乜？一試個湯，又幾好味ｗｏｒ，ｄ磨菇變成磨菇蓉，連埋ｄ忌廉一齊煮，味道適中，唔錯；但係個麵包，個賣相已經唔得，佢只係一條長法飽ｃｕｔ出黎，皮亦都淋晒，舊嘢又切到一岩一彿，睇見都唔開胃蟹籽沙律，佢加左ｄ蟹柳魚係度，配埋蟹籽，本來都係一個不錯的配搭，但最衰就係佢個ｄ沙律菜……
嘩。。。原來有人等位wor，睇到個餐牌，佢主攻都係拍拖餐，全部都係ｘｘ二人餐，包括浪漫二人餐、經典二人餐……什麼都係二人，佢個擺枱都大部份係細枱，唔怪得之幸福王子都要係呢度約人
好，等左１０分鐘，終於有位了，睇黎睇去都係選左個經典二人餐，有磨菇湯，蟹籽沙律、焗田螺，燒豬骨同大蝦天使麵；當然仲有套餐的老朋友，麵包同飲品﹗
通常呢ｄ餐呢頭叫呢頭就有得食啦。。。。點知我地等左成１０分鐘都冇嘢食，咁又追吓單，佢回覆係：已經落左單，而家整緊，稍等……點知個ｗａｉｔｅｒ呢頭走，ｄ湯呢頭就黎，仲要唔止個湯，個沙律啦，麵包啦，田螺都一齊到……咁你話喇，我會唔會信你係「整緊」呢？擺明係漏單啦。。。。而且，咁嘅上菜格局，唔係茶記係乜？
一試個湯，又幾好味ｗｏｒ，ｄ磨菇變成磨菇蓉，連埋ｄ忌廉一齊煮，味道適中，唔錯；但係個麵包，個賣相已經唔得，佢只係一條長法飽ｃｕｔ出黎，皮亦都淋晒，舊嘢又切到一岩一彿，睇見都唔開胃
蟹籽沙律，佢加左ｄ蟹柳魚係度，配埋蟹籽，本來都係一個不錯的配搭，但最衰就係佢個ｄ沙律菜……苦嘅，成件事180度轉變晒
田螺，當然係罐頭嘢啦，有乜expectation
到兩個主菜，燒豬骨同大蝦天使麵，先講個燒豬骨……好ＵＮ，個汁酸得滯，同個豬骨有Ｄ唔配合……
大蝦天使麵。。。係茄汁底，但係就唔夠茄汁，上面個層就好橙紅色，一路食落去，係一路漸變色，越食越冇味，好失望，而且Ｄ麵本身亦煮得唔好味，唔夠爽，估計可能係佢煮熟左之後，放涼的時間太久，所以攪到一ＰＡＴ ＰＡＴ，好「痴」，食落去個感覺就好滯了。與其話大蝦天使麵，不如叫中蝦天使麵好過，不過可能大家對「大」同「中」的ＣＯＮＣＥＰＴ有唔同的理解……
佢每個碟都好大，張枱又係拍拖枱，佢一次過黎晒ｄ食物，我地都食唔切，好喇，食完又唔同我地收嘢，攪到成晚就好似酒樓同排檔咁，食完就自己將ｄ碟擺高，但係都冇人理……死未？
我同阿仔一路食已經一路話「冇下次」，都唔明點解幸福王子話ｏｋ，可能佢成晚嘅重點唔係食物上，咁雖然我對老富昌冇下次，但我都祝福幸福王子的越級挑戰有好結果﹗
張貼
