ROYAL INN

估唔到The One裏面居然有一間咁靚咁好睇嘅法式餐廳佢一入門口就有好多花，真係好適合打卡，食物方面都唔錯。我首先叫咗一份龍蝦忌廉湯作為頭盤，龍蝦湯好濃郁，然後仲會有一塊好長嘅餅乾作為配搭。接著係主菜嘅燒三文魚通粉。三文魚燒得剛剛好，保持住魚肉嘅鮮嫩多汁，仲可以擠少少檸檬汁落去添，配上通心粉，質感煙韌，更加凸顯出三文魚嘅美味。佢哋嘅通心粉仲好貼心咁樣喺切開咗一粒粒，好方便食。我另外仲叫咗一份豬鞍，豬肉質細嫩，燒烤得恰到好處，肉汁豐富，肥瘦均勻 ，每啖都可以感受到豬肉嘅鮮甜。搭配少許醬汁，更加提升豬肉嘅風味。