入到去原來係有兩層㗎 ！雖然當時地下仲有位，但佢都避免太多人聚埋一齊，就安排咗我哋相上面嗰層，上到去覺得好舒適，佢仲為我哋專登開冷氣添。
呢間原來係法式西餐，先有濃濃的南瓜🎃湯配麵包🥖湯濃而有少少南瓜蓉，有飽足感，亦健康味美☺️
我哋點咗卡邦尼意大利雲吞，我本身對意大利雲吞麻麻，總會拎佢同港式雲吞相比，但朋友堅持想試，好在充滿了濃濃卡邦尼味，擺盤亦很精美，食落亦十分配合，雖然小小一盤，但食落係十分滿足。
跟住係慢煮雞胸🍗配檸檬汁，呢個真係好好味呀💫！首先，亦是擺盤精美，然後雞肉口感正好，有咬口之餘亦絕不「鞋」口，香草檸檬汁清新味道同雞肉好夾呀！☺️☺️旁邊亦有沙律菜同埋薯蓉襯底，健康亦有飽肚感。推介😋😗😗
