Oui Oui Bistro (已結業)

今日一個人去深水埗買電話卡，準備黎緊一個人去日本旅行，就快去旅行當然要買定必須品，首先就買電話卡。行行下剛好到中午時間，見到有間法國餐廳，就去醫肚。餐牌選擇都好多呀，價錢幾親民好多食客光顧。先叫一杯雲哩拿咖啡。咖啡甘香咖啡味突出，入口幼滑，凍冰入口正正一解夏日炎熱天氣。班尼迪蛋。賣相好可愛的班尼迪蛋，有別一般的班尼迪蛋，用上厚厚麵包焗脆再加溏心蛋，麵包仲夾上菠菜，切開就發現當中寶物。旁邊仲有巴馬火腿和沙律菜，咸香清新集於一碟呀。