星期日26/2/2023
冇人等位，唔滿座，12:30 入座，12:35 落單
叫左新既酸菜魚，朋友叫左過橋紅薯粉
唔洗10分鐘，小食同野飲到左
15分，過橋紅薯粉都黎埋
第25分鐘（13:00）我碗都未到，驚漏單催下好正常，好聲好氣叫姐姐睇睇，姐姐就話人地12:33 都係岩岩先黎，等下啦。完全冇同我跟單，無視我！😡
等到13:05 ，我真係火都黎埋，大聲講等左半個鐘，再要求催單先理我！原來碗麵一早放左係度，顧住做外賣！
個個遲落單都食完，係酸菜魚係耐d , 定係漏單？唔緊要，如果酸菜魚要等，又或者多單要等（應該唔係，大部份人都唔耐），又唔一早講，而家譚仔等20分鐘都預左，等30分鐘真係接受唔到，你估你係法國菜呀！
我嘈完，即刻同新入嚟既客講要等！
講返碗麵，得個辣字，少少酸，冇花椒味！
都係果句，有命就等啦！
以上食評乃用戶個人意見 , 並不代表OpenRice之觀點。
1
wicomedi
不得不說，屯市係我食過咁多間三哥最差嘅一間！因在屯門返工，間中都會幫襯，出餐極慢，Lunch Time 10 次有 9 次要等 20 分鐘以上，甚至等成 30 分鐘先出餐都試過！仲試過好幾次湯底冇味（得辣氣、淡如清水），職員仲答我話係正常！之後佢拎返我嗰碗入去廚房落鹽，咸過海水！個味都完全錯晒！而且唔係任何一款湯底嘅味！個職員 & 廚房都真係好有問題！所以唯獨是呢一間我 Black List 咗！話晒係市中心，點解可以做得差過所有屋邨嘅三哥？！
用餐日期
2023-03-26
等候時間
30 分鐘 (堂食)
用餐時段
午餐
