影片
更多
2016-03-18
2688 瀏覽
我相信每位愛飲食之人都明白，試到一間好餐廳個種滿足感，好似人生中了結左某個心願咁。仲記得第一次係大阪食到和牛壽喜燒時，我終於了解到，當食到真正既美食時，人...係會講唔到野，熱淚盈眶，沉醉左係味道既世界入面，係香港無錯係好多好野食，但係好似都比唔到個種驚喜比我，盡其然都係..好食、好抵食、幾特別。今次試既呢間法國餐廳，我稱之為「舌尖頂級享受」。門外一隻紅光管既牛招牌好易認，店內唔算太大，但係就非常有格調。麻雀雖小但五贜俱全，暗暗柔黃既燈光搭配有品味既音樂。一個開放式既廚房同埋放滿酒既華麗木酒櫃，彷似去到法國郊村小鎮既小餐館，完全忘記自己其實身處緊係繁忙既都市。呢間係一間法國菜餐廳，法國既飲食文化非常重視細繳，每款菜式由食材到調味，就連上碟既鋪排都非常講究，所以食法國菜可以話係一種味覺及視覺的享受。由於法國菜真係好考大廚既功夫，所以係香港真係好少搵到出色的法國餐廳。食法國菜有個次序，當然都係由頭盤開始。最先送上既係麵包，千其唔好睇少佢，呢到供應既麵包全部都係新鮮即製。前一日預備好生麵團，客人落左Order之後即時烤焗，送到手上個陣仲係熱辣辣。新鮮麵包個種外脆內軟同麵包香真係無得彈，沾上橄
係香港無錯係好多好野食，但係好似都比唔到個種驚喜比我，盡其然都係..好食、好抵食、幾特別。今次試既呢間法國餐廳，我稱之為「舌尖頂級享受」。門外一隻紅光管既牛招牌好易認，店內唔算太大，但係就非常有格調。麻雀雖小但五贜俱全，暗暗柔黃既燈光搭配有品味既音樂。一個開放式既廚房同埋放滿酒既華麗木酒櫃，彷似去到法國郊村小鎮既小餐館，完全忘記自己其實身處緊係繁忙既都市。
呢間係一間法國菜餐廳，法國既飲食文化非常重視細繳，每款菜式由食材到調味，就連上碟既鋪排都非常講究，所以食法國菜可以話係一種味覺及視覺的享受。由於法國菜真係好考大廚既功夫，所以係香港真係好少搵到出色的法國餐廳。食法國菜有個次序，當然都係由頭盤開始。最先送上既係麵包，千其唔好睇少佢，呢到供應既麵包全部都係新鮮即製。前一日預備好生麵團，客人落左Order之後即時烤焗，送到手上個陣仲係熱辣辣。新鮮麵包個種外脆內軟同麵包香真係無得彈，沾上橄欖油與義大利黑醋，連我唔係好食麵包既人都清曬成盤。
食法國菜又點可以無芝士？呢盤Ham and Cheese platter，有cracker, parma ham, selami等等，而芝士就有三款不同的芝士，包括車打芝士，清淡硬身而有噬口。羊奶芝士比較creamy帶有微微的羊羶香味。而最後一款係芝士愛好者既極品，味道最濃郁，入口滿滿既芝士香，就算食完個種回香會殘留係口中一段時間。食芝士配白酒非常夾，邊飲邊食聽住音樂同FD吹水真係人生一大樂事。
直於呢碗Mushroom soap用料充足，整碗湯用磨菇打成蓉做成，再加入磨菇，無用任何水份溝稀，只係最後用少許cream帶出菇既濃香。碗湯未上台遠遠已經聞到濃濃既菇香味，啖啖都充滿濃郁蘑菇香味而且唔會覺得膩。
生蠔當然係呢晚既主角之一，呢到既生蠔真係非非非非非常新鮮同肥美，生蠔會事先幫你起肉，好細心。一次過品嘗法國兩大極品生蠔 Belon & Gillardeau。Belon海洋味比較濃烈，口感爽脆及富有嚼勁。甘甜帶礦石味的餘韻會刺激味蕾既敏感度，之後再品嘗一小口白酒，會發現當中既奧妙。 Gillardeau比Belon淡味，肉質結實味道鮮味，帶微微榛果香。
美食當前，真係忍唔住啦！
主菜最先上既係青口，青口好大隻同肉質好嫩滑，記得食個陣要配堆佢既湯汁，非常鮮甜。
呢隻羊架係完完全全無羊羶味，1D都無，肉質夠腍又唔乾身，就算唔食羊既朋友都一定會鐘意。下面墊左一層青豆蓉，食落清清甜甜又可以中和味蕾，呢兩個既配搭無得輸。
呢隻Australian grain fed pork係重點，平時食既豬肉係比較有咬勁，而呢隻豬肉既肉質係脆同埋爽口，非常特別。而且有鮮嫩多汁，肉味較濃，配埋甜甜地既醬汁好惹味。
驚唔夠飽叫左意大利燴飯同意粉，呢個黑松露risotto，做法非常正宗，除左濃濃既黑松露香之外，食落煙煙韌韌中帶少少creamy。因為正宗既risotto熟度應該只有6-7成，所以平時食到好creamy個D risotto其實都唔係正宗，不過就比較岩中國人既口味？
最後呢款蒜片意粉，主要材料只係蒜同意粉。所謂越簡單既食物越考廚師既功力。一碟意粉完全無肉無菜既配襯，只靠蒜香同橄欖油可以做到香氣逼人，食曬成碟都唔會覺得單調同寡，成件事真係唔簡單。
由裝修到食物質素我都非常滿意，甚至有點愛上，成餐飯都係一種既享受。最起碼廚師同老闆都係用"心"去經營，心思其實係食得出的。大家如果想試正宗而又出色既法國菜，呢間一定唔會令你失望。P.S 呢到既老闆好靚仔(完)
張貼
