泰聚 (已搬遷) 新店位置

泉哥今次去食泰國菜，食個午餐唔會太貴。我哋一人揀咗一個粉，香茅雞翼冬陰公金邊粉和香茅豬扒喇沙金邊粉。兩個金邊粉都好大兜，男人都夠晒食。香茅雞翼就有四隻；豬扒都唔差，有好多片。冬陰公味道超濃，鹹香十足；朋友個喇沙湯底都幾清新，好似去咗新加坡咁！金邊粉有少少似河粉嘅迷你版，不會太過入味，但係好有彈性，份量驚人。貪得意每人散叫沙冰，一個就要西瓜沙冰，一個就叫菠蘿沙冰，超深色，味道好似食緊真嘅菠蘿咁，當然應該都會有少少色素啦。西瓜沙冰個顏色就真實啲，夏日炎炎最清涼，兩款都好推薦。最後仲叫咗個泰式拼盤，唔會太凍，有啲爽口有啲就比較甜香，係唔錯嘅泰國菜。