影片
更多
2017-09-06
96 瀏覽
之前同朋友傾野，附近搵個地方食嘢，忽然想食放題，好少餐廳有做中午放題，特別係星期一至星期五，最尾就揀咗大本瀛。餐廳環境好好，木系係設計，坐得好舒服，主要都係卡位。各式各樣的壽司，包括左口魚邊，黑松露帶子，芝士蟹棒及火炙三文魚。每一件都細細件，不過唔會馬虎，質素都做得好好，幾款基本上差唔多入口即溶，而且帶子都非常新鮮。刺身種類豐富，包括帶子，北寄貝，鮑魚，甜蝦等等，溫度夠凍，可以保持新鮮，帶子同甜蝦係我最愛，非常鮮甜，口感亦不俗。清酒煮蜆，人蔘雞湯，牛油粟米全部係細size ,唔使驚食完之後會好飽，食完仲會有胃口食其他野！煮蜆比較清新，沒有沙。人蔘雞湯味道比較濃，而且有啲苦澀，都幾健康。牛油粟米的牛油味超級香，而且好甜，好啱口味。冬陰公湯裏面有冬菇同埋蝦，都幾重成本，除咗材料之外冬陰公湯嘅湯包其實都好貴，所以飲落去味道好濃郁，唔似溝道好稀。前菜小食，沙律、泰式鳳爪、螺肉勝在夠凍，前菜一定要夠凍。食完清新，都開胃啲。炸蝦天婦羅，紫薯及茄子，比較特別嘅係好明顯啲炸皮係自己做，唔係出邊攞貨現成。雖然炸蝦同埋茄子冇咩特別，最有趣就係紫薯，真係用紫薯去做！食落去好甜，一般放題都冇嘅。嘢飲同埋甜品嘅
餐廳環境好好，木系係設計，坐得好舒服，主要都係卡位。
各式各樣的壽司，包括左口魚邊，黑松露帶子，芝士蟹棒及火炙三文魚。
每一件都細細件，不過唔會馬虎，質素都做得好好，幾款基本上差唔多入口即溶，而且帶子都非常新鮮。
刺身種類豐富，包括帶子，北寄貝，鮑魚，甜蝦等等，溫度夠凍，可以保持新鮮，帶子同甜蝦係我最愛，非常鮮甜，口感亦不俗。
清酒煮蜆，人蔘雞湯，牛油粟米全部係細size ,唔使驚食完之後會好飽，食完仲會有胃口食其他野！煮蜆比較清新，沒有沙。人蔘雞湯味道比較濃，而且有啲苦澀，都幾健康。牛油粟米的牛油味超級香，而且好甜，好啱口味。
冬陰公湯裏面有冬菇同埋蝦，都幾重成本，除咗材料之外冬陰公湯嘅湯包其實都好貴，所以飲落去味道好濃郁，唔似溝道好稀。
前菜小食，沙律、泰式鳳爪、螺肉勝在夠凍，前菜一定要夠凍。食完清新，都開胃啲。
炸蝦天婦羅，紫薯及茄子，比較特別嘅係好明顯啲炸皮係自己做，唔係出邊攞貨現成。雖然炸蝦同埋茄子冇咩特別，最有趣就係紫薯，真係用紫薯去做！食落去好甜，一般放題都冇嘅。
嘢飲同埋甜品嘅選擇都多，一路食一路傾，唔經唔覺都差唔多兩個鐘，已經食到飽晒。
張貼
