麺屋武蔵虎洞 (青衣城) (已結業)

今日叫［赤沾麵］🍜，赤豬骨湯汁夠稠夠濃郁，將偏粗嘅麵條加入去，掛湯力表現良好，每條麵都沾到湯，麵條彈牙有咬口。日式叉燒🐖薄身又軟，味道偏淡，但同濃郁湯汁可以平衡一下。食拉麵沾麵一定要有半熟蛋🥚，喺麵屋武藏食過幾次，水準平均，蛋白夠色夠入味，流心蛋黃有煙燻香，一啖食曬半個最過癮😋。二重色炸薯餅有驚喜， 紫色芋頭香甜軟滑，保留幾粒薯粒，增加口感， 外層炸得酥脆。雖然係炸物，但唔油膩，同同事分享最啱。食完咁多濃味嘢食，飲返杯巨蜂提子梳打甜一甜😁。