麵屋一燈 (已結業)

今日係海港城行街 行到五點幾發現啲人開始排隊咁我地緊係睇下D人排緊咩啦, 原來係拉緊晚市既麵屋一燈, 咁我地緊係要試下啦, 好彩既係都唔係好多人排, 排左十五分鐘就有位, 係未入座之前, 我地就可以簡定食咩，而一燈最出名就係沾麵, 我地緊係要試啦, 不過如果叫兩個沾麵就覺得太膩, 所以我地簡左一個拉麵一個沾麵。根據一燈拉麵既講法 沾麵既麵係應該係凍既, 撈埋熱辣辣嘅湯黎食, 咁先係最佳享受, 我地跟住左佢個步驟黎試, 又真係正喎, 沾麵本身都好爽, 加埋熱湯又係另一個滋味, 個湯非常之重雞味, 如果淨係飲就有少少咸, 不過如果撈埋啲麵就啱啱好啦。最後加水溝稀熱湯變做湯麵。一個麵食三重享受, 正!值得一提係佢個拿櫻花醬都幾惹味, 可以撈埋D 麵到一齊食。仲有千祈唔好睇小佢細細碗麵咁, 一食落去發現食極都仲有。食完濃味既野就當然要食返清D啦，　所以我哋就揀咗鹽味拉麵我本人有幾鍾意鹽味拉麵完全冇冇膩口嘅感覺同埋佢嘅糖心蛋簡直係世界級！值得encore。