今助烏冬御膳 (已結業)

今日出到嚟旺角做Gym，嚟到已經2點幾，先上一上雅蘭醫肚，見到間日本野諗都唔諗就衝咗入去。由於客唔多，兩個人比咗張四人枱我地，寬落舒服。鰻魚飯烏冬定食勁大份，又有鰻魚飯又有烏冬，好豐富。撈烏冬彈牙，醬油份量岩岩好，幾好味。不過小弟比較鍾意呢個鰻魚飯，飯吸收咗鰻魚汁，濕濕地易入口，而且味道濃。鰻魚燒得幾好，少脆口又軟淋淋。呢個定食大大份，份量都幾岩男仔食，小弟食晒後都見飽，埋單$100有找，日本野嚟講呢個質素都幾抵食，搵日再嚟先。