影片
更多
2017-07-18
112 瀏覽
食完個Lunch尚有一點時間，賴生帶左屈小姐黎到《I love u dessert》度食屈小姐回味已久既日本動L動L班戟。本來以為會好多人排隊，未必食得切，但早起的鳥兒真係有蟲吃，我地1點黎到，完全未有人排隊，好輕易就叫到野食啦要令我地有咁既擔心同排隊既準備，其實都不太驚訝，坊間提供相類似班戟既餐廳，動輒花費港幣80-100蚊，仲要排隊輪候1-2小時先有得品嚐一下。相反，係呢度只需花費少於一半既價錢，就可以食到相類似既甜品，縱使有人會覺得一分錢一分貨，會覺得呢度比不上各大名店既出品，但用平民價格同樣既等候時間就可以有機會試到相似既出品，多窮遊情侶既香港，點會冇棒場客呢？另一方面，店家貼心提示個班戟係需要即食既，否則會影響口感同味道，所以選擇開1間外賣店係聰明既，間接令客人可以盡快食用，假如唔喜歡立食，店家亦提供左3個座位比大家食！更重要既係，為左嚴格保持出品質素，佢會通知你大約幾時整好，要求你咁上下就番到黎出現，佢會預先叫定號碼，假如你唔係度，就比下一個人，你就可能要等下一轉嫁啦⋯既然你都排得隊等位，相信等野食呢十幾分鐘真係唔難過，傾傾下計Selfie下，野食就差唔到送到1）拿破崙吉士
要令我地有咁既擔心同排隊既準備，其實都不太驚訝，坊間提供相類似班戟既餐廳，動輒花費港幣80-100蚊，仲要排隊輪候1-2小時先有得品嚐一下。相反，係呢度只需花費少於一半既價錢，就可以食到相類似既甜品，縱使有人會覺得一分錢一分貨，會覺得呢度比不上各大名店既出品，但用平民價格同樣既等候時間就可以有機會試到相似既出品，多窮遊情侶既香港，點會冇棒場客呢？
另一方面，店家貼心提示個班戟係需要即食既，否則會影響口感同味道，所以選擇開1間外賣店係聰明既，間接令客人可以盡快食用，假如唔喜歡立食，店家亦提供左3個座位比大家食！更重要既係，為左嚴格保持出品質素，佢會通知你大約幾時整好，要求你咁上下就番到黎出現，佢會預先叫定號碼，假如你唔係度，就比下一個人，你就可能要等下一轉嫁啦⋯既然你都排得隊等位，相信等野食呢十幾分鐘真係唔難過，傾傾下計Selfie下，野食就差唔到送到
拿破崙吉士士多啤梨班戟
$29
16 瀏覽
0 讚好
0 留言
1）拿破崙吉士士多啤梨班戟：5⭐️
一咬落係：脆！上面同下低果塊拿破崙酥皮超脆！做得非常好，中間仲夾住新鮮切片既抗氧化士多啤梨同豪邁既吉士醬！吉士醬既甜味中和士多啤梨既酸味，細味下完全唔覺士多啤梨有酸味，好正，加上最內層既Pancake蛋味濃郁，又夠軟，成個Combination 一口咬晒落口真係天衣無縫！
唯一一個落差係，呢隻Pancake無左我地想要食既空氣感，變左熱香餅軟熟既口感！
其實我地落完Order已經發現呢個問題嫁啦，所以當賴生同屈小姐討論買唔買多份原味去試，賴生係店員手上接過呢份Pancake之後，屈小姐仲（扮）係猶豫不決樣，怕肥諗緊食唔食多份既時候，賴生就將手上面既拿破崙Pancake同手機交左比屈小姐Selfie，決斷地行入去同店員講：「唔好意思，要多份原味」，店員煞有介事咁答賴生：「要等十五分鐘喎」，賴生神回：「等！一定等」就乖乖呈上29蚊
你知道嗎？當一個女朋友猶豫緊食唔食多份甜品好既時候，賴生奉勸咁多位男朋友唔好玩命，一定要買黎食，如果唔係會被人講一世嫁！ 當然啦，只適用於大部分既例子，最重要都係你要自己親自了解女朋友心入面既諗法呢，賴生就靠屈小姐對BlingBling眼，你地就自己諗辦法啦
原味班戟
$29
20 瀏覽
0 讚好
0 留言
2）原味班戟：4.5⭐️
呢個就係風靡萬千少女不惜排晒大隊，同時令屈小姐同賴生駐足多十五分鐘既空氣感Pancake啦！賣相好吸引，當你搖下對手，佢都跟住搖，可想而知幾咁軟滑！而店外都寫左「You don't need a sliver fork to eat good food」，入面講既Good food講既就係呢個啦！而唔駛用Sliver fork，係因為佢真係好軟綿綿，一隻膠叉就切得開一份份！入口之後真係超Soft，面果層煎過微脆，內層入口即化，真係一股空氣咁融係口咁，但佢係有治癒力嫁！輕微醫治到肚餓既，唔會完全冇野到肚咁，而且蛋香四溢不錯不錯！
不過，只係純粹Pancake既空氣口感同蛋香不足以拿4.5*佳績，食多2-3啖，驚艷就會消失，反之會頓覺單調。幸好有一層好重牛奶味又幼滑既Cream加持，令Pancake既香氣同味道昇華，又唔會過膩，Cream亦做得唔錯！不過如果佢比多D Cream會再高分D
總結係：
一半既價錢，同樣既時間，係呢間餐廳既大賣點，對於重視食物質素同CP值既我地係不二之選！如果再去開旺角，好大機會又會見到屈小姐同賴生同Pancake Selfie
#治癒既甜品
#滿足既笑容
#看透妳的眼睛
#I love you<3
張貼
