影片
更多
2016-01-14
2639 瀏覽
睇食評好似唔錯,所以試下好唔好,見半放題半韓燒好似幾得意,book左位準時入座,編左最入既座位,每個爐上面有個可伸縮抽氣(只限餐廳最入面位置),但放隻手埋去感受下,似裝飾多D,唔知係壞定只係擺設黎,個抽氣完全起唔到作用,所以基本上未開始食已經可以吸飽D油煙座位唔算寛敞,fit既人勉強過到,fat D分分鐘都hi污糟D衫褲,因為要出去攞野飲同有少量甜品選擇所以行出行入在所難免,仲有一樣要出入既原因係,你要落單或者個爐要換過張紙都要出入,因為唔出去同人講,舉到隻手不舉都無人理會!唔知係呢間既特色定時代已經變左,以前食韓燒,燒到咁上下個鐵板就會燒焦左D野食就會黑炆炆,但呢間係鐵板上面舖張牛油紙,燒焦左就換過張牛油紙,又幾好諗頭入正題,野食方面:同其他食家講既一樣,牛既選擇幾多下,黎既速度都算快,但燒完食落口,係所有味道無分別的,除左可以話D牛唔韌之外,無論辣味牛,胡麻牛,黑椒牛,肥牛...燒完之後都只淨牛味,每張枱有一碟3格既醬汁(豆瓣,燒汁,牛肉汁),只可以點左D汁之後有D唔同味.海鮮選擇唔多,有迷理版帆立貝(連殼),一般海蝦...都無乜選擇啦不過個辣炒蛤蜊味道幾好,波蘿都夠新鮮,牛油蒜茄
座位唔算寛敞,fit既人勉強過到,fat D分分鐘都hi污糟D衫褲,因為要出去攞野飲同有少量甜品選擇所以行出行入在所難免,仲有一樣要出入既原因係,你要落單或者個爐要換過張紙都要出入,因為唔出去同人講,舉到隻手不舉都無人理會!
唔知係呢間既特色定時代已經變左,以前食韓燒,燒到咁上下個鐵板就會燒焦左D野食就會黑炆炆,但呢間係鐵板上面舖張牛油紙,燒焦左就換過張牛油紙,又幾好諗頭
入正題,野食方面:同其他食家講既一樣,牛既選擇幾多下,黎既速度都算快,但燒完食落口,係所有味道無分別的,除左可以話D牛唔韌之外,無論辣味牛,胡麻牛,黑椒牛,肥牛...燒完之後都只淨牛味,每張枱有一碟3格既醬汁(豆瓣,燒汁,牛肉汁),只可以點左D汁之後有D唔同味.
海鮮選擇唔多,有迷理版帆立貝(連殼),一般海蝦...都無乜選擇啦
不過個辣炒蛤蜊味道幾好,波蘿都夠新鮮,牛油蒜茄子OK香,薯餅有咖哩味;中華沙律食唔落口,田螺有沙,炸雞林晒,雜菜籃(茄子,粟米,雞肶菇片,冬菇,金菇,南瓜片)見到想退
甜品方面:泡夫味道唔錯,有個水晶菓子好硬身下,仲有D cake仔唔太吸引,雪糕係雀巢(紅豆,芝麻,芒果),雪米糍(芝麻,紫薯(好味))
飲品都算多選擇,個提子味飲品可以encore,蘆薈飲品有蘆薈粒,正,忌廉鮮奶,幾hit下,啤酒有2款,ice同hite,當然要飲下韓國啤啦
整體感覺不太好,實在太油煙,熏到無胃口食野,加上D員工忙到唔理人,食物一般,試一次就算!
價錢有2個,加$30可以食埋刺身,因為唔食刺身所以無加錢,不過見隔離枱食,D刺身賣相唔錯
張貼