Hero Sandwich (已結業)

放工後搭叮叮去中環, 未去到之前已經決定好哂食咩, 因為個個都話肉眼扒三文治!行到去擺花街, 明明已經係一號點解都仲係見唔到間店既? 原來係轉角位去到時間大約7點幾, 有一枱客, 一打開門就有勁大浸油煙味…點左餐之後我地就坐低左, “309” 好快就有得拎喇一拎起個盤, E…咁癡笠笠既…== 坐定定之後就開始起動喇煙三文魚蛋沙律三文治: 法包輕烘, 保持住個軟熟度之餘又唔會太脆; 蛋沙律好多, 咬一啖都會唔小心漏左d出黎, 不過可惜佢個蛋沙律唔夠香, 無咩蛋味; 煙三文魚都係無咩味, 好普通既一個三文治肉眼扒三文治: 薄薄既燒牛肉估佢唔到咁好味, 再加上新鮮生菜同蛋黃芥末醬, 正!薯條: 連薯皮既炸薯條, 即叫即整又唔會太熱, 友人再叫佢比蛋黃芥末醬我地, 沾埋真係一流盒裝沙律: 無特別凍咖啡: 唔知點解無冰既, 不過咖啡出奇地好味, 但飲得出佢落左唔少cream, 哈食物ok, 不過個到實在太大油煙味喇, 抽風系統好差, 食完都即刻想走...