澳門茶餐廳 (已結業)

好搞笑, 我哋一行五人去完澳門, 返到嚟香港竟然即刻去返澳門茶餐廳. 去到已經差唔多夜晚九點, 唔洗等位就有得坐低.裡面比我想像中冇咁 grand, 似係高級少少0既大排擋. 點完菜之後都等咗差唔多二十分鐘啲嘢食先到, 不過啲嘢係一齊嚟0既.份量非常細, 隻蟹係冇肉0既, 得個吮字! 啲粥唯有用嚟浸油炸鬼啦. 碗嘢成七十幾蚊, 唔係好值!話就話勁辣, 其實得中辣0架啫. 啲肉都幾淋, 但係啲麵都幾油吓.雖然唔知點樣為知係澳門式0既炒米粉, 但係呢碟都幾好食, 清清哋咁, 啲汁係淡淡0既咖汁味, 啲米粉算彈牙, 啲料都幾足, 有蝦仁, 金華火腿等等.啲鹹魚味好濃郁, 正! 不過啲菜又真係油咗啲囉!呢度啲咖哩菜式可以配飯, 意粉或者豬仔包, 好得意! 不過我哋就比較保守, 最後都係揀咗配飯. 個咖喱汁整得幾香口, 同埋都有微辣, 唔錯. 不過啲雞就稍為老咗啲.本來覺得呢度0既衞生都 OK 0既, 即係一般茶餐0既質素囉. 好可惜食食吓有隻蚊先後飛咗去碟米粉同埋啲咖哩度!! 所以要扣啲分. 至於服務就一般啦, 不過不失.