九份•十分 (河畔花園) (已結業)

都好耐冇黎河畔食嘢喇，而家圍住交通安全城都開咗好多食肆，有好多選擇！媽媽今晚扯起條根話想食台灣野，去左河畔花園有間九份十分。兩個人叫咗一個前菜，兩個小食，一個主食。上菜速度極快🏃‍♀🏃‍♀🏃‍♀芒果軟殼蟹米紙卷（六件）嘩！ 呢個比想像中大碟好多🥴 抵食👑中間係夾左青瓜絲、炸軟殼蟹、新鮮芒果配沙律醬，dressing 有芒果汁，食落幾清新， 抵讚係用左新鮮芒果同米紙夠薄，夠煙’銀‘。涼拌海蜇略微辣，岩岩好😋😋更開胃紅燒半筋半肉麵（幼麵）用料足，起碼有7-8舊牛筋同牛肉，最鍾意個係湯底唔會太鹹再配少少雪菜同幼麵， 呢碗係最有台灣味道 正！櫻花蝦高麗菜煎蛋餅🦐🦐蛋餅上面舖左好多櫻花🌸蝦，賣相係一流。蛋餅都幾厚實。整體來講，每樣食物份量都算幾大，上菜速度快。埋單時店員都有問我地覺得食物味道點（感恩惠）仲有幾多間會咁問客人 見到甜品好似幾靚，但真係飽得滯，留返下次🍰🍧