沙田凱悅酒店咖啡廳

營業中

休息中

今晚同媽媽去左凱悅酒店食自助晚餐，大學站B出口行一陣就到，地點非常方便。去到staff招呼我地去坐左係一個corner，嗰邊環境好幽靜，係沙發位，適合慶祝生日或情侶拍拖食飯，超有feel😳❤️外面位置相對會比較明亮，大伙兒一齊聚會就啱曬😆食物方面都相當優秀！長腳蟹飽肉而且有鮮味，唔會淡而無味或者勁咸，海鮮類淨係食呢個都食到笑🤤refill速度好快，絕對唔洗爭喇沙湯係廚師同新加坡嗰邊交流研製而出，椰香味十足，好正超好味！另外都有好多中湯西湯，同樣做得唔錯，唔會好咸，都好清甜！中菜款式特別喜歡蒸石斑魚，魚肉超新鮮！蒸得啱啱好，口感嫩滑！媽媽都大讚！Pizza係現場即製即焗，餅底好似餅乾咁薄脆，上面有帶子、茄子、雞肉，芝士都好多，用茄醬調味，酸甜唔膩燒三文魚腩又係超正，口感勁嫩滑，入口即溶，用七味粉調味，香到連魚皮都忍唔住食埋甜品款式多，而且會不斷轉款，甜品控食到超興奮~加上整體質素都唔錯，真係飽到上心口都忍唔住要繼續食🙌🏻芝士蛋糕餅底雖然唔脆，但芝士蛋糕體超好食😳encore左兩次，好香芝士味，質感又好，唔會甜膩！抹茶紅豆奶凍估唔到咁濃抹茶味!!🍵要靠紅豆將甜度提升😳椰汁紅豆糕唔甜之餘仲超香