北海道食堂 (已結業)

之前聽朋友講沙田中心有間日本餐廳啲嘢唔錯，今日特意去試下。原來間餐廳叫北海道食堂，我哋叫咗鐵板燒鹿兒島a4和牛，鐵板燒原隻活鮑魚 ，花魚定食，同埋牛肉壽喜燒定食。個a4和牛真係冇得輸，好林好有肉汁，另外個鮑魚都好鮮味好爽。下次嚟一定要再試，不過係夏日週年激安祭，所以要試其實都要快啲嚟。咁另外花魚定食個份量都足條魚好大，牛肉壽喜燒啲牛肉都好多，聽朋友講呢間份量都足，果然冇呃我。因為依個商場人流都算多，始終係沙田區。而且我見到好多人㩒飛，我相信如果星期六，日，假期嚟食晚飯都會等，所以想唔使等嘅朋友可能六點左右就要開始黎㩒飛啦！