Piccolo Pizzeria & Bar (已結業)

最近經常去沙田揾食。呢間Piccolo Pizzeria & Bar認真唔算顯眼仲有啲難揾，但睇啲食評幾吸引，所以同朋友揀左呢間啦。CAPRESE 傳統意大利沙律 $95作為一個蕃茄仔FANS，其實我係為左呢舖沙律而黎的。份芝士好大好滿足，本身冇諗過佢會成舊比你，呢個性價比真係唔錯！水牛芝士+蕃茄仔+黑醋真係絕配~CALAMARI 炸魷魚圈 $90個醬係辣蒜蕃茄醬味，好重蒜香夠哂香。炸魷魚衣好薄，香脆可口。PANCETTA PIZZA 吉法意式煙肉 $150最中意個底夠哂爽口，焗得幾脆。AGLIO OLIO WITH PRAWNS 香烤蒜蓉配大蝦 $135呢個意粉都幾辣，蒜味香、大蝦彈牙。最後甜品係我最愛既TIRAMISU，大滿足。飲品整體黎講都覺得幾滿意，味道夠。而且店員推薦既紅酒都非常易入口，就算冇飲開酒既朋友都話OK。